| |
|
報章撰寫有關梅雪詩的特稿 - 2000
|
梅雪詩溫故知新演好戲
|
梅雪詩最近多了在公眾場合露面，想是因為劇團的運作已上晒軌道，「今年慶鳳鳴進入第八年了，有很多事情，我由唔識到識，現在又學到放下緊張心情，順其自然，所以能夠抽身出去享受下生活。」
有些甚麼是阿嗲特別喜歡的呢？
「做戲和睇戲囉！」真係三句不離本行。她還說：「做咗慶鳳鳴八年，我係最近兩年先有心機睇下戲，但電影就錯過唔少，因八年來�m未入過電影院。」
唉！唔怪得電影院執吓一間又一間啦！連做戲的人�m唔入電影院。
「其實我�m好想去電影院睇戲，因為電影製作，要在大銀幕睇才理想。」阿嗲說，「不過，我�m無買VCD或DVD來睇，除咗電視播映的電影，我會在深夜時睇外，其他時間�m在練功、練唱、還有翻睇我哋做過啲戲的錄影帶。」
大家�m知道阿嗲勤力，原來她入行那麼多年，仍然是那麼緊張演出的準備工夫。
「我沒有即時即興反應的靈敏性，只有將勤補拙啦！」梅雪詩說，「如果唔做好準備工夫，我會周身唔舒服，好似而家，我個心�m唔得定。」
嘩！佢真係緊張大師，今次（七月廿八日至八月三日）慶鳳鳴在新光戲院揀選演出的戲�m是舊戲！阿嗲唔駛咁緊張吧！
「我�m講過，很多戲只做過一兩次，對我來講�m是新戲，好似「李仙傳」、「笳聲吹斷漢皇情」、「風流王大儒」�m是做過很少次數，我要重新溫習。」
講起他們今次的選戲，很多人�m覺得稍為冷門一點，除了「紅樓夢」，沒有多少齣是他們最受歡迎的戲寶。
「但不能否認，這些�m是好戲。」
阿嗲說：「我哋揀『琵琶記』，�m明知票房或者不理想的，因為沒有靚衫，劇情又慘，不過這樣的好戲，我師傅佢哋當年也揀嚟做，他們也是知道不會太賣座的，但�m照做㗎！」
阿嗲又說：「我�m好喜歡『李仙傳』這齣戲，不過有人又說套戲幾慘，所以我哋又揀幾齣笑戲，如新年做過𠴱齣『紅梅白雪賀新春』同『風流王大儒』，而『百花亭贈劍』、『漢武帝夢會衛夫人』�m係好戲，壓軸做『紅樓夢』，人物多，又有主題曲，希望大家喜歡。」
相信喜歡慶鳳鳴的戲迷�m不會太計較劇團揀些甚麼戲，主要他們的偶像有戲做。
事實去年沒有去澳門演出的他們，澳門文化中心為饕當地戲迷，就特別邀請他們過江演出四天，日子已訂了在八月十一日至十四日，演出的�m是四大名劇——『牡丹亭驚夢』、『蝶影紅梨記』、『李後主』和『再世紅梅記』。
講起澳門的演出，阿嗲自己�m很興奮說很多香港戲迷�m會跟着過去睇戲，「我很感激佢哋，我一定會畀心機做好戲。」
二零零零年七月八日新報
|
|
|
|
