| |
|
報章撰寫有關梅雪詩的特稿 - 2000
|
嗲姑皮草燒爛肉刺心痛
|
喺而家呢個市道，「慶記」仍可以一槌鑼鼓做十六日十九場，身為班主嘅嗲姑（梅雪詩）自然係越演越開心啦，加上佢係未嫁姑娘，好多相熟戲迷�m專登上後台探班，畀利是佢，有一個平日出晒名好錫佢嘅老人家所封嘅紅包，仲係一安士嘅楓葉金幣。唔只嗲姑，其他五柱�m有同樣嘅金仔利是，真係𢭃利是�m𢭃到佢哋手軟。不過演完賀歲戲後，就有件事發生係嗲姑身上，令佢肉刺兼心痛。話說上個禮拜三晚，嗲姑同班朋友去宵夜，嗰晚天氣幾凍，嗲姑着咗件好名貴嘅皮草大衣，去到宵夜嗰間夜店，生意好好，只有喺神龕旁邊一張細枱，嗲姑除咗件皮草掛喺椅背上，大家一邊食嘢一邊傾得好開心，忽然間，佢哋聞到一陣燒燶嘢嘅味道，大家周圍望，更話畀伙記知，叫伙記檢查下啲插蘇掣，擾攘咗�m幾耐，突然嗲姑先至發覺嗰件本來掛喺椅背嘅皮草大衣跌咗落地，跌正喺神龕香爐上，燒着咗，發出燶味嘅就係佢件名貴皮草，嗲姑即刻執起件大衣，拍去啲灰發現已經燒穿咗個大窟窿。嘩，真係損失慘重，幾萬蚊一件皮草就此報銷，以後唔再着得，你話嗲姑有乜辦法唔肉刺兼心痛吖？
二零零零年二月廿九日文匯報
|
|
|
|
