| |
|
報章撰寫有關梅雪詩的特稿 - 2000
|
每逢佳節倍思親 阿嗲憶雛鳳念師傅淚漣漣
|
白雪仙是粵劇界的瑰寶，至今地位無人能取代，其舞台藝術雖傳人不少，然而真正有其影子的並不多，惟有梅雪詩比較接近她的風格，尤其那份嗲勁，是有過之而無不及，故此阿嗲之名不脛而走……
阿嗲（梅雪詩）乍聽超越師傅兩個字，已嚇得魂飛魄散似的，她說：「唔敢！唔敢！我係最冇用嘅徒弟，仙姐會唔開心㗎！」
梅雪詩雖然做了正印超過二十年，但她仍然對自己沒信心，經常把冇用、失禮、唔識嘢、蠢等貶詞加諸自己身上。問她是否覺得仙姐對阿刨（龍劍笙）較偏愛？
仙姐偏愛阿刨
她說：「師傅其實對我哋各師姐妹�m好好，不過有冇偏心，其實同父母對仔女一樣，有時�m會錫其中一個多啲，因為嗰個可能叻啲、聰明啲或者靚啲，如果咁樣係偏愛�m係人之常情，你話啱唔啱？」
「所以仙姐時時同阿刨去街，好少同你去？」
「佢嫌我失禮囉！」阿嗲不假思索地說，這樣的說法，已經是阿嗲對仙姐最不禮貌的反應了，平時她一定會諸多解釋，或者否認有其事。
師傅生忌熱鬧
不過話剛出口，她還是要補充一句：「其實阿刨好少喺香港，佢偶然返嚟，梗係要多啲陪師傅，今年團年我�m會去仙姐屋企，每年年卅晚喺師傅（任劍輝）生忌，佢老人家鍾意熱鬧，佢過身十年，我哋一班師姐妹，每年喺呢日�m係仙姐度打牌，食飯，熱熱鬧鬧咁慶祝，今年提前喺年廿三慶祝，年初一再同仙姐拜年。」
其實每年過年，粵劇界中人�m非常忙碌，尤其梅雪詩，今年由年初一開始，一搥鑼鼓直落到正月十六，夠她忙的了。但無論怎樣忙，戲班中人對傳統節日十分重視，尤其禮節不可少，所以年初一大清早她必定到師傅家拜年。
然而，自從雛鳳散班之後，熱鬧的光景大有王小二拜年，一年不如一年之勢。
想當初憶如今，眼淺的阿嗲，也禁不住雙眼通紅，淚就要掉下來了……。
失去老拍檔
雛鳳當年是多麼的風光，戲迷對她們的崇拜並不比今日四大天王遜色，然而天下無不散之筵席，就在她們演出無間的時候，龍劍笙突然宣布退出……一個劇團沒有了文武生，這個劇團還有甚麼？何況……
據說龍劍笙離開雛鳳劇團，甚麼�m不帶走，就是要取走「雛鳳」這個招牌，其他的�m送給阿嗲。
阿嗲雖然擁有那麼多，卻失去最重要的，她失去了老拍檔、失去了招牌、失去了依傍，她擁有的不過是放不下的一班合夥人以及布景板，還有自己的衣箱，今後何去何從？她找不到方向……
然後她幾經掙扎，終於找到了新拍檔林錦堂，組成了慶鳳鳴劇團。
二零零零年二月六日蘋果日報
|
|
|
|
